O Gatipedro

Contido:

- 50 cartas de xogo e 8 con lendas

- Instrucións e caixa

Desenvolvemento do xogo:

Todos os pobos teñen a súa propia mitoloxía, deuses e seres máxicos que xurdiron para explicar os fenómenos que acontecían nun territorio e que, á falta dunha explicación científica, eran descritos e xustificados desta maneira. En Galicia, como non podía ser menos, temos a nosa propia mitoloxía.
Para este xogo escollemos 8 deses seres, desas lendas galegas: o Gatipedro, o Urco, a Santa Compaña, as meigas, as sereas, as mouras, os nubeiros e os biosbardos; mais animámosvos a afondar na rica, variada e moi abundante mitoloxía galega.

Trátase dun xogo de velocidade no que a estratexia cambia a cada instante.

Cómpre, pois, estar alerta para responder ás cartas dos demais o máis rápido posible. Gaña quen se desfaga de todas as súas cartas.

Cada lenda está asociada a uns elementos determinados. Por exemplo, o Gatipedro é un ser que no medio da noite entra nos cuartos dos nenos e das nenas facendo que mexen por si na cama. Para protexerse del hai que poñer unhas areas de sal diante da porta do cuarto. Polo tanto, no xogo o Gatipedro está relacionado coa noite, que é cando sae; e co sal, a maneira de protexerse del.