Obxectivos educativos:
- Reforza a aprendizaxe das cores
- Mellora da psicomotricidade fina
- Iniciación ós xogos de mesa (regras comúns, respecto das quendas, asociación dado - acción)
- Número de xogadores: 2
Idade orientativa: 3 anos en diante
Contido (todo de feltro):
- 2 familias de caracois
- 1 dado
- 1 taboleiro
- Unha cesta para gardar o xogo e instrucións
Desenvolvemento do xogo:
Dúas familias de caracois saíron na procura de algo para comer, pero as mellores leitugas están do outro lado do río e hai moita corrente. O obxectivo do xogo é chegar primeiro á leituga correspondente, xa que un xogador terá que chegar á leituga das flores rosas e o outro á das flores laranxas. Para mover tírase o dado e colócase o caracol da cor que indique á altura do caracol da mesma cor do xogador contrario, é dicir, se o xogador 1 saca “marelo” porá o seu caracol marelo ao lado do marelo do xogador 2. Deste xeito irán avanzando ou retrocedendo ao longo do taboleiro.
- Edad
- de 3 a 6 años